Ragnhild Gulbrandsen
| Ragnhild Gulbrandsen | |
| Statsborgarskap | Noreg |
| Fødd | 22. februar 1977 (47 år) Narvik |
| Idrett | fotball |
| Tok del i | Sommar-OL 2000, VM i fotball for kvinner 2007 |
Ragnhild Øren Gulbrandsen (fødd 22. februar 1977) er ein norsk tidlegare fotballspelar, fødd i Narvik. Ho vart olympisk meister med Noreg under Sommar-OL 2000 i Sydney. Gulbrandsen var ein duellsterk midtspiss.
Klubbspel
[endre | endre wikiteksten]Gulbrandsen var midtbanespelar på Ranheim IL sitt fotballag på nivå 2 til og med 1996-sesongen. Sidan spelte ho på Trondheims-Ørn frå 1997 til 2005, med unnatak for 2002-03, då ho gjorde teneste for Boston Breakers i USA. På Trondheims-Ørn tok ho ei sentral rolle i angrepsspelet og var med å vinne tre seriemeisterskap; 1997, 2000 og 2001, samt fire cupmeisterskap, 1997–99 og 2001. Alle tre sesongane Trondheims-Ørn vann Toppserien var ho mestskårande i serien. Dei to siste sesongane som aktiv spelar, 2006 og -07, kledde Gulbrandsen seg i Asker-drakt.
Landslagsspel
[endre | endre wikiteksten]Frå debuten i 1997 til ho avslutta landslagstida under VM 2007 deltok Gulbrandsen i 80 landskampar. Ho var då med i fem meisterskapsturneringar; EM 1997, VM 1999, OL 2000, EM 2001 og VM 2007. Under OL-finalen 2000 sende ho i det 78- minutt Noreg opp i 2-1-leiing, og såg ut til å verte matchvinnar, til dess USA utlikna i plusstida. I staden vart det Dagny Mellgren som vart norsk matchvinnar i ekstraomgangen. Gulbrandsen skåra i alt 30 landslagsmål.
Merittar
[endre | endre wikiteksten]- Olympisk meister: 2000 for Noreg
- Seriemeister: 1997, 2000 og 2001 med Trondheims-Ørn
- Noregsmeister: 1997, 1998, 1999 og 2001 med Trondheims-Ørn
Kjelder
[endre | endre wikiteksten]
|  | |
